კვლევა პედაგოგთა საჭიროებების დადგენა

ქ. თბილისის 126-ე საჯარო სკოლაში პედაგოგთა საჭიროებების დადგენის მიზნით კითხვარების შედეგების ანალიზი

 ჩვენი სკოლის მასწავლებელთა პროფესიული ზრდის ჯგუფმა ახალი სასწავლო წლის დაწყებისთანავე გადაწყვიტა აქტიურად ჩართულიყო სკოლის ყოველდღიურ ცხოვრებაში, დაედგინა და გაეანალიზებინა  საკუთარი და კოლეგების საჭიროებები,  ეზრუნა საკუთარ და  კოლეგების პროფესიულ განვითარებაზე ისე, რომ არ შემოფარგლულიყო მხოლოდ მკვლევარისა და  რეკომენდაციების   გამცემი  ჯგუფის   როლით (რასაც  შეეძლო  გამოეწვია     პედაგოგიური კოლექტივის ნაწილის გაღიზიანება), ამიტომ გადანაწილდა ფუნქციები  ჯგუფის წევრებს შორის  და მუშაობა გაიშალა სხვადასხვა მიმართულებით ერთდროულად.

       მიუხედავად მასწავლებლის დაძაბული დღის რეჟიმისა, ტარდება ხშირი შეხვედრები,  კონსულტაციები მიმდინარე  საკითხებზე, ხორციელდება მომავალი სამუშაოების ერთობლივი დაგეგმვა და მონიტორინგი.

  ფოკუს-ჯგუფის  ჩამოყალიბებისა და მუშაობის შედეგად სკოლაში გაიზარდა

 თანამშრომლობითი კულტურა, განსაკუთრებით ჯგუფის წევრებს შორის, თუმცა სკოლის პედაგოგიური საზოგადოების გარკვეულ ნაწილში  შეინიშნება პროგრამისადმი სკეპტიკური

 დამოკიდებულება.

მასწავლებლის განათლება და პროფესიონა-ლიზმი მოსწავლის მაღალი აკადემიური მოსწრების  ერთ-ერთი უმნიშვნელოვანესი ფაქტორია,ამიტომ სკოლაში მუდმივად უნდა მიმდინარეობდეს კვლევასა და საჭიროებებზე დაფუძნებული პროფესიული განვითარება,რაც ხელს შეუწყობს სწავლებისა და სწავლის პროცესის ეფექტიანობის გაზრდას.

   ამ მიზნით ჯგუფმა შეიმუშავა კითხვარი და სთხოვა მასწავლებლებს, მაქსიმალურად გულ-წრფელნი ყოფილიყვნენ პასუხის გაცემისას.   კვლევამ გამოიწვია სკოლის ინტერესი, თუმცა როგორც შედეგებმა ცხადყო მასწავლებელთა ნაწილი არ მიუდგა პასუხისმგებლობით კვლევას.კვლევის საგანი: მასწავლებელთა საჭიროებების განსაზღვრა

კვლევის მიზანი:

გამოიკვეთოს  ის  საჭიროებები,რომელიც ხელს შეუწყობს მასწავლებელთა პროფესიულ განვითარებას და უზრუნველყოფს სკოლის წარმატებას.

სამიზნე ჯგუფი: სკოლის 39 პედაგოგი.

კვლევის კითხვარის ინსტრუქცია

ინსტრუქცია: უპასუხეთ შემდეგ შეკითხვებს და შეაფასეთ ქულებით:    

   5– თუ მოცემული დებულება სრულად    შეესაბამება რეალობას,

   4 – უფრო შეესაბამება, ვიდრე არა;          

   3 – ნაწილობრივ შეესაბამება;                                            

   2 –  უფრო არ შეესაბამება;                                              

1         – არ შეესაბამება.

კვლევის კითხვარი

·         ვიცნობ ესგ–სა და საგნობრივ სტანდარტს

·         ყოველთვის  ვეძებ სრულყოფილად  უკუკავშირს, რადგან    იგი მეხმარება უკეთესად შევაფასო  ჩემი საქმიანობა,    შესაძლებლობები  და პიროვნული თვისებები

·         წარმოქმნილი სირთულეები არ მაშინებს, პირიქით, ზრდის ჩემს აქტიურობას

·         ყოველთვის ვიტოვებ დროს თვითგანვითარე-ბისთვის, როგორი დაკავებულიც არ უნდა ვიყო სკოლისა და საოჯახო საქმეებით.ვაანალიზებ ჩემს ემოციებსა და გამოცდილებას

·         ხშირად ვერთვები კონსტრუქციულ  კამათში ჩემთვის საინტერესო საკითხებზე

·         სიამოვნებას მანიჭებს ახლის ათვისება

·         ვიყენებ მრავალფეროვან მეთოდებს, შეფასების სისტემას, სტრატეტიებს და აქტივობებს გაკვეთილის შედეგების შესაბამისად

·         ვმართავ საკუთარ პროფესიულ განვითარებას და ვიღებ დადებით შედეგებს

·         საგაკვეთილო პროცესში ყოველთვის ვითვალისწინებ მოსწავლეთა  ინდივიდუალურ საჭიროებებს.

·         მე ყოველთვის ვპოულობ დროს  საკუთარი საქმიანობის რეფლექსიისთვის

·         ვაწარმოებ სრულყოფილად სასკოლო დოკუმენტაციას

·         საგაკვეთილო პროცესში   ვიყენებ დამატებით საგანმანათლებლო რესურსებსა და ისტ ტექნოლოგიებს

·         მე არ მაშინებს ჩემზე დაკისრებული მაღალი პასუხისმგებლობა

·         დადებითად შევხვდებოდი  სამსახურში ჩემს  დაწინაურებას

კვლევის კითხვარის  შეფასება

75

–55 ქულა –აქტიური თვითგანვითარების დონე

54–36 ქულა – თვითგანვითარების სისტემა

             არ არის კარგად   ჩამოყალიბებული,             

             თვითგანვითარება დამოკიდებულია  გარე პირობებზე

35–15 – თვითგანვითარების პროცესი  

             შეჩერებულია

   კითხვარების შევსებაში მონაწილეობა მიიღო 50-მა მასწალებელმა

სრულყოფილად ვიცნობ ესგ–სა და               
              საგნობრივ სტანდარტს

კვლევის შედეგების ანალიზმა ცხადყო:

-         თავისი პროფესიული მომზადებით კმაყოფილება გამოთქვა მასწავლებელთა მცირე ნაწილმა, ხოლო ძირითადი ნაწილი „ნაწილობრივ“ კმაყოფილი არის თვისი პროფესიული მომზადებით.

-         „მეთოდური მიმართულებით“ პროფესიული განვითარების მსურველი არის მასწავლებელთა თითქმის 80%, „ფსიქოლოგიურ-პედაგოგიური“ მიმართულებით - 15%

-         პროფესიული ცოდნის გაღრავება მასწავლებლებს ძირითადად უნდათ თანამედროვე ტექნოლოგიების დანერგვაში, სწავლების ეფექტიან მეთოდებში, მოსწავლეთა ცოდნისა და უნარების კონტროლსი, მასწავლებლის საქმიანობის ორგანიზებაში, თვითშეფასების ანალიზსა და მოსწავლეთა საქმიანობის ორგანიზებაში.

-         მასწავლებელთათვის ყველაზე დიდი სირთულეა - ინტეგრირებული თემების განსაზღვრა, მოსწავლეთა კვლევითი საქმიანობის ორგანიზება და სასწავლო პროექტებზე მუშაობა.

-         პროფესიული განვითარების ფორმებში მასწავლებლებმა უპირატესობა მიანიჭეს თვითგანვითარებას, ტრენინგებსა და თეორიულ სემინარებს, კათედრებზე მუშაობა

-         მასწავლებლებმა სურვილი გამოთქვეს ძირითადად  სწავლების მეთოდებსა და ეფექტიან გამოყენებაში,მოსწავლეთა ასაკობრივ თავისებურებების შესახებ ჩატარებულ პროგრამებში, ყველაზე                 მცირე პროცენტი კი მიიღო მასწავლებლის პროფესიული  ეთიკის პროგრამამ

-         მასწავლებელთა საქმიანობაში ყველაზე დიდი მოტივატორია - შესრულებული საქმით მიღებული კმაყოფილება და ხელფასის გაზრდა.

რეკომენდაცია:

სამუშაო ჯგუფმა გადაწყვეტილება მიიღო, რომ შეირჩეს მასწავლებელთაგან ფოკუს-ჯგუფი, მომზადდეს კითხვარი და ჩატარდეს კვლევა ინტერვიუთი და მოხდეს ინტერვიუს შედეგების შედარება  მასწავლებელთა თვითშეფასების საბოლოო  შედეგებთან . კვლევამ გამოკვეთა პედაგოგთა დიდი  ნაწილის სურვილი, აითვისონ სიახლეები, რაც იძლევა იმის იმედს, რომ ისინი აქტიურად ჩაერთვებიან თვითგანვითარების ჯგუფის  საქმიანობაში და იზრუნებენ პროფესიულ განვითარებაზე.